శ్రీకాకుళం/పాతపట్నం: నియోజకవర్గంలోని పేద ప్రజల ఆరోగ్య భద్రతకు ఎన్డీఏ ప్రభుత్వం పెద్దపీట వేస్తోందని పాతపట్నం శాసనసభ్యులు మామిడి గోవిందరావు తెలిపారు. పాతపట్నం నియోజకవర్గ కేంద్ర కార్యాలయంలో సోమవారం జరిగిన కార్యక్రమంలో, పలువురు లబ్ధిదారులకు ముఖ్యమంత్రి సహాయనిధి (CMRF) చెక్కులను ఆయన అందజేశారు.
మొత్తం రూ. 4,66,699/- విలువైన చెక్కులను ఆరుగురు బాధితులకు ఎమ్మెల్యే చేతుల మీదుగా పంపిణీ చేశారు.
హిరమండలం మండలానికి చెందిన పలువురు అనారోగ్యంతో బాధపడుతూ, వైద్యం చేయించుకునే స్థోమత లేక స్థానిక నాయకుల ద్వారా ఎమ్మెల్యే దృష్టికి తమ సమస్యను తీసుకువెళ్లారు. దీనిపై వెంటనే స్పందించిన ఎమ్మెల్యే, వారి దరఖాస్తులను ప్రభుత్వం దృష్టికి తీసుకెళ్లి మంజూరు చేయించారు. లబ్ధిదారుల వివరాలు ఈ క్రింది విధంగా ఉన్నాయి:
కీర్తి రమేష్ కుమార్ (ఎం.యల్. పురం): రూ. 1,19,635/-
లింగుడు రమణయ్య (కిట్టలాపాడు): రూ. 1,11,728/-
కోప్పల ప్రసాద్ (ధనుపురం): రూ. 73,790/-
పెద్దిని శ్రీనివాసరావు (పిండ్రువాడ): రూ. 70,760/-
కొట్నీ రాము (శుభలైయ R&R కాలనీ): రూ. 50,000/-
చింతం కుమారి (తంప): రూ. 40,786/-
అర్హతే ప్రామాణికం – పేదలకు అండగా ప్రభుత్వం
ఈ సందర్భంగా ఎమ్మెల్యే మామిడి గోవిందరావు మాట్లాడుతూ, ఆపదలో ఉన్నవారికి సీఎం రిలీఫ్ ఫండ్ ఒక వరం లాంటిదని పేర్కొన్నారు.
“వివిధ రకాల వ్యాధులతో బాధపడుతూ, వైద్యం చేయించుకునే ఆర్థిక స్థోమత లేని కుటుంబాలకు ఈ ప్రభుత్వం అండగా నిలుస్తోంది. పార్టీలకు అతీతంగా, కేవలం అర్హతే ప్రామాణికంగా సీఎంఆర్ఎఫ్ (CMRF) నిధులు మంజూరు చేస్తున్నాం. ఆపదలో ఉన్నవారికి సకాలంలో చికిత్స కోసం అందిస్తున్న ఈ నిధులను సద్వినియోగం చేసుకోవాలి,” అని ఎమ్మెల్యే సూచించారు.
గత పాలకులపై విమర్శలు
ఈ కార్యక్రమంలో ఎమ్మెల్యే గత పాలకుల తీరుపై మండిపడ్డారు. ఈ నియోజకవర్గంలో గత పాలకులు ఏరోజూ సీఎం సహాయనిధి కోసం ఒక్క దరఖాస్తు కూడా చేయలేదని, కానీ ఎన్డీఏ ప్రభుత్వం వచ్చిన వెంటనే అర్హులందరికీ సాయం అందుతోందని ప్రజలకు గుర్తు చేశారు.
చెక్కులు అందుకున్న అనంతరం బాధిత కుటుంబ సభ్యులు ఎమ్మెల్యేకు, ప్రభుత్వానికి తమ కృతజ్ఞతలు తెలియజేశారు.